പത്തനംതിട്ട: നിരോധനാജ്ഞ ലംഘിച്ച്‌ ശബരിമലയിലേക്കു പോകാനെത്തിയതിനെത്തുടര്‍ന്ന് അറസ്റ്റിലായ ബിജെപി പ്രവര്‍ത്തകര്‍ക്ക് ജാമ്യം. ബിജെപി സംസ്ഥാന വക്താവ് ബി.ഗോപാലകൃഷ്ണന്‍ ഉള്‍പ്പെടെ 8 പേരെയാണ് ഇന്ന് ഉച്ചയോടെ നിലയ്ക്കലില്‍ വെച്ച്‌ പോലീസ് അറസ്റ്റ് ചെയ്തത്.
നിരോധനാജ്ഞ നിലനില്‍ക്കുന്നതിനാല്‍ സന്നിധാനത്തു ദര്‍ശനം നടത്തി 6 മണിക്കൂറിനകം തിരിച്ചിറങ്ങണമെന്ന പോലീസിന്റെ വ്യവസ്ഥ ബിജെപി സംഘം അംഗീകരിച്ചിരുന്നില്ല ഇതേ തുടര്‍ന്നാണ് അറസ്റ്റ്. സ്റ്റേഷന്‍ ജാമ്യമാണ് ഇവര്‍ക്ക് അനുവദിച്ചത്.
