ശ്രീനഗർ : ജമ്മു കശ്മീരിൽ വിനോദസഞ്ചാരികൾക്ക് ഏർപ്പെടുത്തിയിരുന്ന വിലക്ക് ഒക്ടോബർ 10 മുതൽ നീക്കും. രണ്ട് മാസങ്ങൾക്ക് ശേഷമാണ് കശ്മീരിൽ വിനോദസഞ്ചാരികൾക്ക് നിലനിന്നിരുന്ന വിലക്ക് നീങ്ങുന്നത്. കശ്മീരിൽ ജനജീവിതം സാധാരണനിലയിലേക്ക് മടങ്ങിത്തുടങ്ങിയതിന്റെ ഭാഗമായാണ് വിലക്ക് നീക്കുന്നത്.
കശ്മീരിലെ സ്ഥിതിഗതികൾ വിലയിരുത്താനായി ഗവർണർ, ചീഫ് സെക്രട്ടറി എന്നിവരടക്കമുള്ള ഉന്നത ഉദ്യോഗസ്ഥരും തിങ്കളാഴ്ച ഒരു അവലോകന യോഗം ചേർന്നിരുന്നു. ഈ യോഗത്തിലാണ് കശ്മീരിൽ നിലനിന്നിരുന്ന വിലക്ക് നീക്കാൻ തീരുമാനമായത്.
