ന്യുഡല്‍ഹി: ഡല്‍ഹിയിലെ ആദര്‍ശ് നഗറില്‍ എട്ടു വയസ്സുകാരിയെ പ്രായപൂര്‍ത്തിയാകാത്ത മൂത്തസഹോദരന്‍ മാനഭംഗപ്പെടുത്തി. ബുധനാഴ്ച മാതാപിതാക്കള്‍ വീട്ടിലില്ലാത്ത സമയത്തായിരുന്നു നാടിനെ നടുക്കിയ സംഭവം ഉണ്ടായത്.മാതാപിതാക്കള്‍ വൈകിട്ട് വീട്ടിലെത്തിയപ്പോള്‍ സ്വകാര്യ ഭാഗത്തുനിന്നും നിലയ്ക്കാത്ത രക്തസ്രാവവുമായാണ് പെണ്‍കുട്ടിയെ കണ്ടത്. തുടര്‍ന്ന് ആശുപത്രിയില്‍ എത്തിച്ചപ്പോഴാണ് പെണ്‍കുട്ടി പീഡന വിവരം ഡോക്ടറോട് തുറന്നുപറഞ്ഞത്. തുടര്‍ന്ന് പെണ്‍കുട്ടിയെ ഡല്‍ഹി വനിതാ കമ്മീഷന്‍ അധ്യക്ഷ സ്വാതി മലിവാള്‍ സന്ദര്‍ശിച്ചു.
പെണ്‍കുട്ടിക്ക് ഗുരുതരമായ പരിക്കുകള്‍ ഉണ്ടെന്നും ശസ്ത്രക്രിയയ്ക്ക് വിധേയമാക്കിയെന്നും അവര്‍ പറഞ്ഞു. പെണ്‍കുട്ടിയ്ക്ക് എല്ലാ ചികിത്സാ സഹായവും നല്‍കുമെന്നും അര്‍ഹമായ ധനസഹായം ഉറപ്പാക്കുമെന്നും സ്വാതരി മലിവാള്‍ അറിയിച്ചു. മാതാപിതാക്കള്‍ കൂലിത്തൊഴിലാളികളും ദരിദ്രരുമാണ്. പെണ്‍കുട്ടിയുടെ സഹോദരനെ പോലീസ് കസ്റ്റഡിയില്‍ എടുത്തിട്ടുണ്ട്. രാജ്യത്ത് സ്ത്രീകള്‍ക്കും കുട്ടികള്‍ക്കുമെതിരായ അതിക്രമം വര്‍ധിച്ചുവരികയാണെന്നും അക്രമികള്‍ക്കെതിരെ കര്‍ശന നടപടിക്ക് സര്‍ക്കാര്‍ തയ്യാറാകണമെന്നും മലിവാള്‍ ആവശ്യപ്പെട്ടു.
