ഗുവാഹാട്ടി: പൗരത്വ ബില്ലിനെച്ചൊല്ലി പ്രതിഷേധം നടക്കുന്ന ഗുവാഹാട്ടിയില് രാവിലെ 9 മുതല് വൈകുന്നേരം 4 വരെ കര്ഫ്യൂവിൽ ഇളവ് നല്കി. എന്നാല് അനിശ്ചിതകാല കര്ഫ്യൂ നിലനില്ക്കുന്ന അസമിലെ 10 ജില്ലയില് ഇന്റര്നെറ്റ് വിലക്ക് 48 മണിക്കൂര്കൂടി നീട്ടി. ദീബ്രുഗഢില് നാല് മണിക്കൂര് കര്ഫ്യൂവിന് ഇളവ് നല്കി. രാവിതെ 8 മുതല് ഉച്ചക്ക് രണ്ട് വരെയാണ് ഇളവ്.
ബുധനാഴ്ച പൗരത്വ ഭേദഗതി നിയമം പാര്ലമെന്റ് പാസാക്കിയതിന് പിന്നാലെയാണ് ഗുവാഹാട്ടിയിലും അസമിലെ മറ്റ് പ്രദേശങ്ങളിലും പ്രതിഷേധം രൂക്ഷമായത്. പോലീസ് വെടിവെപ്പില് ഗുവാഹാട്ടിയില് രണ്ട് പേര് മരിച്ചു.
