കൊല്ലം : ബീച്ചില് സാമൂഹിക വിരുദ്ധശല്യം. സഞ്ചാരികള് അപകടത്തില്പ്പെടാതെ കെട്ടിയിരുന്ന സുരക്ഷാവേലി തകര്ത്തു. അപായ സൂചന നല്കാന് നാട്ടിയിരുന്ന ചുവന്ന കൊടി കവര്ന്നു.ഞായര് രാത്രിയിലാണു സംഭവം. ഒരു കിലോ മീറ്റര് നീളത്തില് റോപ്പും കഴയും ഉപയോഗിച്ചു കെട്ടിയിരുന്ന വേലിയാണു പൂര്ണമായി തകര്ത്തത്. റോപ്പ് അറുത്തു നശിപ്പിച്ചു. കൊച്ചുപിലാംമൂടിനു സമീപം ലിങ്ക് റോഡ് മുതല് ആയിരുന്നു വേലി കെട്ടിയിരുന്നത്. ലിങ്ക് റോഡ് ഭാഗത്ത് ഒട്ടേറെപ്പേര് അപകടത്തില്പ്പെടാറുണ്ട്.
ഏതാനും ദിവസമായി രാത്രിയില് സുരക്ഷാ വേലി തകര്ക്കുന്നുണ്ടായിരുന്നു. ലൈഫ് ഗാര്ഡുമാര് രാവിലെ വേലി പുനര്നിര്മിക്കുകയായിരുന്നുസംസ്ഥാനത്ത് ഏറ്റവും അപകടകരമായ ബീച്ച് ആണ് കൊല്ലം. 10 വര്ഷത്തിനിടയില് 74 പേരാണ് ഇവിടെ മരിച്ചത്.
