അബുദാബി : സ്ത്രീ വേഷത്തില്‍ പര്‍ദ ധരിച്ചെത്തി 11 കാരനെ പ്രകൃതിവിരുദ്ധ പീഡനത്തിന് ഇരയാക്കി കൊന്ന കേസില്‍ പ്രതിയായ പാകിസ്ഥാന്‍ പൗരന് വധശിക്ഷ. എസി മെക്കാനിക്കായ പാക് പൗരനാണ് കേസില്‍ പ്രതി. അസാന്‍ മജീദ് എന്ന 11 കാരനാണ് 31 കാരന്റെ പീഡനത്തില്‍ കൊല്ലപ്പെട്ടത്. എന്നാല്‍, വാദം നടക്കവേ പാക് പൗരന് കോടതിയ്ക്കു മുന്നില്‍ കുറ്റം നിക്ഷേധിച്ചു.
പ്രതിയ്ക്കായി ഹാജരായ അഭിഭാഷകന്‍ കേസ് വീണ്ടും പരിഗണിക്കണമെന്നും പ്രതിക്കു നേരെ ഉന്നയിച്ചിരിക്കുന്ന ആരോപണങ്ങള്‍ തെറ്റാണെന്നും വാദിച്ചു. ഇയാള്‍ക്കെതിരെ കൊലപാതകം, പീഡനം തുടങ്ങിയവ ഉള്‍പ്പെടെ അബുദാബി ക്രിമിനല്‍ ഫസ്റ്റ് ഇന്‍സ്റ്റന്‍സ് കോടതി ചുമത്തിയ കുറ്റങ്ങളെല്ലാം അപ്പീല്‍ കോടതി ശരിവെച്ചു.
സംഭവം നടന്നത് ജൂണിലാണെന്നും ഈ സമയം പ്രതി തന്റെ ജോലി സ്ഥലമായ അബുദാബി അതിര്‍ത്തി പ്രദേശമായ മുസാഫയില്‍ ആയിരുന്നുവെന്നും പ്രതിഭാഗം അഭിഭാഷകന്‍ വാദിച്ചിരുന്നു. എന്നാല്‍ ഇതെല്ലാം തള്ളിയാണ് കോടതി പ്രതിക്ക് വധശിക്ഷ വിധിച്ചത്. അബുദാബി ക്രിമിനല്‍ ഫസ്റ്റ് ഇന്‍സ്റ്റന്‍സ് കോടതി വിധിച്ച വധശിക്ഷയ്‌ക്കെതിരെ പ്രതി അപ്പീല്‍ കോടതിയില്‍ നല്‍കിയ ഹര്‍ജിയിലാണ് തൂക്കുകയര്‍ ഉറപ്പാക്കിക്കൊണ്ടുള്ള വിധി വന്നത്. കൊല്ലപ്പെട്ട പെണ്‍കുട്ടിയുടെ കുടുംബത്തിന് പ്രതി 200,000 ദിര്‍ഹം നഷ്ടപരിഹാരവും നല്‍കണം.
