കാബൂള്: അഫ്ഗാനിസ്ഥാന് തലസ്ഥാനമായ കാബൂളില് വന് സ്ഫോടനം. സംഭവത്തില് മാധ്യമ പ്രവര്ത്തകരടക്കം 21 പേര് കൊല്ലപ്പെട്ടതായാണ് സ്ഥിരീകരണം. മാധ്യമപ്രവര്ത്തകരുടെ വേഷത്തിലെത്തിയ രണ്ട് ചാവേറുകളാണ് പൊട്ടിത്തെറിച്ചത്. മരണ സംഖ്യ ഇനിയും ഉയരാമെന്നാണ് വിലയിരുത്തലുകള്.
തിങ്കളാഴ്ച രാവിലെ പ്രാദേശിക സമയം എട്ട് മണിക്കായിരുന്നു സ്ഫോടനം. ഏജന്സ് ഫ്രാന്സ് പ്രസ് ഫോട്ടോഗ്രാഫര് ഷാ മറയും കൊല്ലപ്പെട്ടവരുടെ കൂട്ടത്തില് പെടുന്നു. അഫ്ഗാന് ഇന്റലിജന്സ് സര്വീസിന്റെ ആസ്ഥാനത്തായിരുന്നു അപകടം. ഭീകരസംഘടനകളൊന്നും സംഭവത്തിന്റെ ഉത്തരവാദിത്വം ഏറ്റെടുത്തിട്ടില്ല.
