തിരുവനന്തപുരം: നടന് മോഹന്ലാലിനെ ആനക്കൊമ്പ് കേസില് സഹായിക്കാന് വനംവകുപ്പ് ചട്ടലംഘനം നടത്തിയതായി സിഎജി റിപ്പോര്ട്ട്. കേസില് നടന് മാത്രമായി പ്രത്യേകം ഉത്തരവിറക്കിയത് വന്യജീവി നിയമത്തിലെ സെക്ഷന് 40ന്റെ ലംഘനമാണെന്നാണ് വിമര്ശനം. സമാനകുറ്റം നേരിടുന്നവര്ക്ക് ഉത്തരവ് ബാധമാക്കാതിരുന്നതിനെയും പറ്റി റിപ്പോര്ട്ടില് വിമര്ശനമുണ്ട്.
മോഹന്ലാലിന്റെ വീട്ടില്നിന്ന് നാല് ആനക്കൊമ്ബുകള് പിടിച്ചപ്പോള് പ്രത്യേക ഉത്തരവിറക്കി ഉടമസ്ഥത വെളിപ്പെടുത്താന് അവസരം നല്കിയെന്നാണ് സിഎജി റിപ്പോര്ട്ട് പറയുന്നത്. വെളിപ്പെടുത്തലിനുളള അവസരം ഗസറ്റില് വിജ്ഞാപനം ചെയ്യുന്നതിന് പകരം നടന് മാത്രമായി ഉത്തരവിറക്കിയത് ചട്ടലംഘനമാണെന്നും റിപ്പോര്ട്ട് ചൂണ്ടിക്കാട്ടുന്നു.
