കോട്ടയം: കന്യാസ്ത്രീയെ പീഡിപ്പിച്ചെന്ന കേസില് അറസ്റ്റിലായ മുന് ജലന്ധര് ബിഷപ്പ് ഫ്രാങ്കോ മുളയ്ക്കലിനെ നെഞ്ചുവേദനയേത്തുടര്ന്ന് കോട്ടയം മെഡിക്കല് കോളെജില് പ്രവേശിപ്പിച്ചു. കൊച്ചിയില്നിന്ന് കൊണ്ടുവരവെയാണ് ഫ്രാങ്കോയ്ക്ക് നെഞ്ചുവേദന അനുഭവപ്പെട്ടത്.
തുടര്ന്ന് ആറ് മണിക്കൂര് നിരീക്ഷണത്തില് കഴിയാന് ഡോക്ടര് നിര്ദ്ദേശിച്ചു. തൃപ്പൂണിത്തുറയിലെ വൈദ്യപരിശോധനയില് ഫ്രാങ്കോയ്ക്ക് ഉയര്ന്ന രക്തസമ്മര്ദ്ദമുണ്ടെന്ന് കണ്ടെത്തിയിരുന്നു. ഇസിജിയിലും വ്യതിയാനമുണ്ടായിരുന്നതായും റിപ്പോര്ട്ടുകളുണ്ട്.
