മുസാഫര്നഗര്: ഉത്തര്പ്രദേശില് കര്ഷകനെ മരത്തില്കെട്ടിയിട്ട് വെടിവെച്ചു കൊന്നു. ഞായറാഴ്ചയായിരുന്നു സംഭവം. ഉത്തര്പ്രദേശിലെ ശംലിയിലെ കുത്തുബ്ഗഡ് ഗ്രാമത്തിലെ ലോകേഷ് കുമാര് എന്ന കര്ഷകനെയാണ് വെടിവെച്ചു കൊന്നത്. രാജേഷ്, ധിമാന്, രാജ്കുമാര് എന്നിവരും തിരിച്ചറിയാത്ത നാലാമനുമാണ് പ്രതി.
കൊലപാതകത്തിന് പിന്നില് സാമ്പത്തിക തര്ക്കമാണെന്നാണ് പോലീസ് നിഗമനം. സംഭവത്തില് നാലുപേര്ക്കെതിരെ കേസെടുത്ത് അന്വേഷണം ആരംഭിച്ചു. വെടിയേറ്റ ഇയാളെ ആശുപത്രിയിലെത്തിച്ചെങ്കിലും ജീവന് രക്ഷിക്കാനായില്ല. ലോകേഷ് കുമാറിന്റെ മകന്റെ പരാതിയിലാണ് പോലീസ് നടപടി.
