കോഴിക്കോട്: കഥകളിയാചാര്യന് ഗുരു ചേമഞ്ചേരി കുഞ്ഞിരാമന് നായര് അന്തരിച്ചു. 105 വയസ്സായിരുന്നു. കൊയിലാണ്ടിയിലെ വീട്ടില് ഇന്ന് പുലര്ച്ചെയായിരുന്നു അന്ത്യം. എട്ടുപതിറ്റാണ്ട് നീണ്ട കലാജീവിതത്തിന് ശഷമാണ് വിടവാങ്ങല്. കൃഷ്ണന്, കുചേലന്, പരശുരാമന് വേഷങ്ങളിലൂടെ ശ്രദ്ധേയനായിരുന്നു അദ്ദേഹം. സംഗീത നൃത്ത നാടകങ്ങളിലൂടെ നൃത്തത്തെ ജനകീയമാക്കിയിരുന്നു.
ഭാരതീയ ക്ലാസിക് നൃത്തരംഗത്തെ ഇതിഹാസമാണ് വിടവാങ്ങിയത്. രാജ്യത്തെ ഏറ്റവും പ്രായംകൂടിയ പെര്ഫോമിങ് ആര്ട്ടിസ്റ്റായിരുന്നു. 2017 ല് രാജ്യം പത്മശ്രീ നല്കി ആദരിച്ചിരുന്നു. 1979 ലെ കേരള സംഗീത നാടക അക്കാദമി അവാര്ഡ്, 1999 ല് കേരള സംഗീത നാടക അക്കാദമി ഫെലോഷിപ്പ്, 2001 ല് കലാരംഗത്തെ വിശിഷ്ടസേവനത്തിന് കലാമണ്ഡലം അവാര്ഡ്, 2002 ല് കലാദര്പ്പണം നാട്യ കുലപതി അവാര്ഡ്, മയില്പ്പീലി പുരസ്കാരം, കേരള കലാമണ്ഡലം കലാരത്നം അവാര്ഡ് തുടങ്ങിയവയാണ് ലഭിച്ച മറ്റ് അംഗീകാരങ്ങള്.
സിനിമാതാരങ്ങളുള്പ്പെടെ നൂറുകണക്കിന് ശിഷ്യസമ്പത്തിന് ഉടമയാണ് ഗുരു ചേമഞ്ചേരി കുഞ്ഞിരാമന് നായര്. 2013 ലാണ് ചേമഞ്ചേരി കുഞ്ഞിരാമന് നായര് ആദ്യമായി സിനിമയില് അഭിനയിക്കുന്നത്. പി കെ രാധാ കൃഷ്ണന് സംവിധാനം ചെയ്ത മുഖം മൂടികള് എന്ന സിനിമയിലാണ് അദ്ദേഹം അഭിനയിച്ചത്.
