ന്യൂഡല്‍ഹി : കോവിഡ് രൂക്ഷമാകുന്ന സാഹചര്യത്തില്‍ വിവിധ സംസ്ഥാനങ്ങള്‍ കൂടുതല്‍ നിയന്ത്രണങ്ങള്‍ ഏര്‍പ്പെടുത്തുന്നു. ഗുജറാത്തില്‍ അഹമ്മദാബാദ്, സൂറത്ത്, വഡോദര, രാജ്‌കോട്ട് എന്നീ നഗരങ്ങളില്‍ 15 ദിവസത്തേക്ക് കൂടി രാത്രി കര്‍ഫ്യു ദീര്‍ഘിപ്പിച്ചു. കേരളത്തിലും സ്ഥിതി ഗുരുതരമായി തുടരുകയാണ്. കേരളത്തില്‍ നിന്നുള്ളവര്‍ക്ക് പല സംസ്ഥാനങ്ങളും നിയന്ത്രണം ഏര്‍പ്പെടുത്തി കഴിഞ്ഞു. ആഘോഷങ്ങളും ഒത്തുചേരലുകളുമാണ് വീണ്ടും രോഗ വ്യാപനത്തോത് കൂട്ടുന്നത്.
മഹാരാഷ്ടയിലും സ്ഥിതി രൂക്ഷമായി തുടരുകയാണ്. വൈറസിനു ജനിതക മാറ്റം സംഭവിച്ചിട്ടുണ്ടെന്നും ഇതാണ് വ്യാപകമായി പടരാന്‍ കാരണമെന്നും മഹാരാഷ്ട്ര ആരോഗ്യ മന്ത്രാലയം അറിയിച്ചു.
ദീപാവലി ആഘോഷങ്ങള്‍ക്ക് പിന്നാലെയാണ് ഗുജറാത്തില്‍ കോവിഡ് വ്യാപനം വീണ്ടും ആരംഭിച്ചത്. മധ്യപ്രദേശിലും ചണ്ഡിഗഡിലും കര്‍ഫ്യു ഏര്‍പ്പെടുത്താനുള്ള നീക്കത്തിലാണ് സംസ്ഥാന സര്‍ക്കാരുകള്‍ സര്‍ക്കാരുകള്‍.
