ജൂൺവരെ ക്രിക്കറ്റിന് വിലക്ക്

733 0

രാജ്യാന്തര ക്രിക്കറ്റ്‌ കൗൺസിലിന്റെ (ഐസിസി) എല്ലാ ലോകകപ്പ്‌ യോഗ്യതാ മത്സരങ്ങളും ജൂൺ 30 വരെ തത്ക്കാലം മാറ്റിവച്ചു.  ഇതോടെ ജൂൺവരെ ലോക ക്രിക്കറ്റിൽ ഒരു മത്സരവും നടക്കില്ലെന്ന്‌ ഉറപ്പായി. കോവിഡ്‌–-19 കാരണം നേരത്തേതന്നെ മറ്റ്‌ രാജ്യാന്തര മത്സരങ്ങൾ നിർത്തിവച്ചിരുന്നു. ഒക്‌ടോബറിൽ ഓസ്‌ട്രേലിയയിൽ നടക്കേണ്ട ട്വന്റി–-20 ലോകകപ്പിന്റെ കാര്യത്തിൽ തീരുമാനമായിട്ടില്ല. വൈറസ്‌ ബാധയുടെ വ്യാപനം അവസാനിച്ചില്ലെങ്കിൽ മാത്രമേ ലോകകപ്പ്‌ മാറ്റാനുള്ള സാധ്യതകൾ ആലോചിക്കുവെന്ന്‌ ഐസിസി വ്യക്തമാക്കി. ദുബായിൽ ചേർന്ന്‌ ഐസിസി യോഗത്തിലാണ്‌ തീരുമാനം.

ഈ വർഷത്തെ ട്വന്റി–-20 ലോകകപ്പ്‌, അടുത്ത വർഷം ഇന്ത്യയിൽ നടക്കുന്ന ട്വന്റി–-20 ലോകകപ്പ്‌, 2023ലെ ഏകദിന ലോകകപ്പ്‌ യോഗ്യതാ മത്സരങ്ങളാണ്‌ മാറ്റിയവ. എട്ട്‌ ഇടങ്ങളിലായി അരങ്ങേറേണ്ട യോഗ്യതാ ടൂർണമെന്റുകളാണ്‌ നിർത്തിയത്‌. ജൂൺ 30ന്‌ ശേഷം ഇവ നടത്താനുള്ള സാഹചര്യം പിന്നീട്‌ പരിശോധിക്കും. ട്വന്റി‐20 ലോകകപ്പ്‌ ട്രോഫി പര്യടനവും മാറ്റി.

അടുത്തവർഷം ന്യൂസിലൻഡിൽ നടക്കുന്ന വനിതാ ഏകദിന ലോകകപ്പിന്റെ യോഗ്യതാ കളികൾ ജൂലൈ മൂന്നുമുതൽ ശ്രീലങ്കയിലാണ്‌ നിശ്ചയിച്ചിട്ടുള്ളത്‌. ഈ മത്സരങ്ങളുടെ കാര്യത്തിലും സാഹചര്യം പരിഗണിച്ച്‌ പിന്നീട്‌ തീരുമാനിക്കും.

‘ലോകം ഒരു മഹാമാരിയെ നേരിടുകയാണ്‌. ഈ അവസരത്തിൽ എല്ലാ ലോകകപ്പ്‌ യോഗ്യതാ മത്സരങ്ങളും മാറ്റുകയാണ്‌’–-ഐസിസി മത്സര നടത്തിപ്പ്‌ തലവൻ ക്രിസ്‌ ടെറ്റ്‌ലി പറഞ്ഞു. ഒക്‌ടോബർ 18നാണ്‌ ട്വന്റി–-20 ലോകകപ്പ്‌ ആരംഭിക്കുന്നത്‌. ലോകകപ്പ്‌ മാറ്റാനുള്ള ചർച്ച യോഗത്തിൽ ഉയർന്നില്ലെന്നാണ്‌ അറിയുന്നത്‌.സെപ്‌തംബറിൽ നടക്കേണ്ട ഏഷ്യാ കപ്പിന്റെ കാര്യത്തിൽ അനിശ്ചിതത്വം നിലനിൽക്കുന്നുണ്ട്‌

Related Post

ന്യൂസിലന്‍ഡിനോട് പൊരുതിത്തോറ്റ് ഇന്ത്യ ലോകകപ്പില്‍ നിന്നു പുറത്തായി  

Posted by - Jul 10, 2019, 08:07 pm IST 0
മാഞ്ചെസ്റ്റര്‍: ന്യൂസിലന്‍ഡിനെതിരായ ലോകകപ്പ് സെമിഫൈനലില്‍ ഇന്ത്യ പൊരുതിത്തോറ്റു. അവസാന ഓവറുകള്‍ വരെ വിജയപരാജയങ്ങള്‍ നിര്‍ണയിച്ച മത്സരത്തില്‍ 18 റണ്‍സിനാണ് ഇന്ത്യ പരാജയപ്പെട്ടത്. അവിശ്വസനീയമായി തിരിച്ചുവന്ന ഇന്ത്യ മൂന്ന്…

ബെംഗളൂരു എഫ്.സി  ഇന്ത്യന്‍ സൂപ്പര്‍ ലീഗിൽ ഫൈനലില്‍ 

Posted by - Mar 12, 2018, 08:38 am IST 0
ബെംഗളൂരു എഫ്.സി  ഇന്ത്യന്‍ സൂപ്പര്‍ ലീഗിൽ ഫൈനലില്‍  പുണെ സിറ്റി നേടിയ ഒരു ഗോളിനെതിരെ മൂന്ന് ഗോളുകൾ നേടി ബെംഗളൂരു എഫ്.സി. ഇന്ത്യന്‍ സൂപ്പര്‍ ലീഗിൽ ഫൈനലില്‍…

കപ്പലണ്ടി വിറ്റു നടന്ന ഭൂതകാല ഓര്‍മകൾ വെളിപ്പെടുത്തി ചെന്നൈ ദക്ഷിണാഫ്രിക്കന്‍ താരം

Posted by - Apr 17, 2018, 06:44 pm IST 0
തന്റെ ട്വിറ്റര്‍ പേജിലൂടെയാണ് അനിയനൊപ്പം റോഡരികില്‍ കപ്പലണ്ടി വിറ്റ കയ്പു നിറഞ്ഞ തന്റെ ബാല്യകാല ഓര്‍മകളെ വെളിപ്പെടുത്തി ചെന്നൈ ദക്ഷിണാഫ്രിക്കന്‍ താരം. 50 ലക്ഷം രൂപ നല്‍കി…

പഞ്ചാബിനെതിരെ മുംബൈക്ക് അവസാന പന്തില്‍ ജയം

Posted by - Apr 11, 2019, 11:35 am IST 0
മുംബൈ: ക്രിസ് ഗെയ്‌‌ലിന്റെയും കെ എല്‍ രാഹുലിന്റെയും വെടിക്കെട്ട് ബാറ്റിംഗിന് കീറോണ്‍ പൊള്ളാര്‍ഡ് ഒറ്റയ്ക്ക് മറുപടി നല്‍കിയപ്പോള്‍ ഐപിഎല്ലില്‍ രോഹിത് ശര്‍മ ഇല്ലാതെ ഇറങ്ങിയ മുംബൈ ഇന്ത്യൻസ്…

രാജസ്ഥാന്‍ റോയൽസിനെതിരെ  ചെന്നൈ സൂപ്പർ കിംഗ്‌സിന് ജയം

Posted by - Apr 1, 2019, 03:17 pm IST 0
ചെന്നൈ: ഐപിഎല്ലിൽ രാജസ്ഥാന്‍ റോയൽസിനെതിരെ ചെന്നൈ സൂപ്പർ കിംഗ്‌സിന് എട്ട് റൺസ് ജയം. ആദ്യം ബാറ്റ് ചെയ്ത ചെന്നൈ ധോണിയുടെ കരുത്തിൽ 175 റൺസെടുത്തു. 176 റൺസ് വിജയലക്ഷ്യം…

Leave a comment