വാരാണസി: മകളുടെ വിവാഹത്തിന്റെ ക്ഷണക്കത്ത് അയചിരുന്ന റിക്ഷാവാലയുടെ വീട്ടില്‍ പ്രധാനമന്ത്രി നരേന്ദ്രമോദി എത്തി. തന്റെ ലോക്‌സഭാ മണ്ഡലത്തിലുള്ള റിക്ഷാക്കാരനായ മംഗള്‍ കേവതിന്റെ വീട്ടിലാണ് ഈ മാസം 16നാണ് മോദി എത്തിയത്.
വാരണാസിയില്‍ പൊതുചടങ്ങില്‍ പങ്കെടുക്കാന്‍ എത്തിയപ്പോള്‍ കേവതിന്റെ വീട്ടിലും സന്ദര്‍ശനം നടത്തുകയായിരുന്നു. വീട്ടിലെത്തിയ മോദിയെ ആശ്ചര്യത്തോടെയാണ് കേവതും കുടുംബവും സ്വീകരിച്ചത്. പ്രധാനമന്ത്രി വീട്ടില്‍ എത്തുമെന്ന് പ്രതീക്ഷിച്ചിരുന്നില്ലെന്നും അദ്ദേഹം അറിയിച്ചു. സ്വച്ച് ഭാരത് അഭിയാന് കേവത് നല്‍കുന്ന സേവനങ്ങളെ കേവത് നല്‍കുന്ന സംഭാവനയെ പ്രധാനമന്ത്രി അഭിനന്ദിക്കുകയും ചെയ്തു.
