കൊച്ചി: തിരുവനന്തപുരം സ്വര്ണക്കടത്ത് കേസിലെ പ്രധാന പ്രതികളിലൊരാളായ കസ്റ്റംസ് ഓഫീസര് ബി.രാധാകൃഷ്ണന് അറസ്റ്റിൽ. കൊച്ചിയിലെ സിബിഐ ഓഫീസില് വെച്ചാണ് പോലീസ് അറസ്റ്റ് ചെയ്തത്. രാധാകൃഷ്ണന് ഉൾപ്പെടയുള്ള പ്രതികള്ക്കെതിരെ ഡയറക്ടറേറ്റ് ഓഫ് റവന്യു ഇന്റലിജന്സിന്റെ നിര്ദ്ദേശപ്രകാരം കരുതല് തടങ്കല് ഉത്തരവ് വന്നിരുന്നു. അതിന് ശേഷം ഈ കേസില് അന്തരിച്ച വയലിനിസ്റ്റ് ബാലഭാസ്കറിന്റെ കോര്ഡിനേറ്ററായ പ്രകാശ് തമ്പി, സെറീന ഷാജി, അഡ്വ. ബിജു എന്നിവര് ഈ ഉത്തരവുപ്രകാരം പൂജപ്പുര സെന്ട്രല് ജയിലിലായിരുന്നു. ഈ കേസില് ചോദ്യം ചെയ്യലിന് ഹാജരാകുന്നതിനായി കൊച്ചിയിലെ സിബിഐ ഓഫീസിലേക്ക് വരുന്ന വഴിക്കുവെച്ചാണ് രാധാകൃഷ്ണനെ കരുതല് തടങ്കല് ഉത്തരവ് പ്രകാരം പോലീസ് അറസ്റ്റ് ചെയ്യുന്നത്. ഇദ്ദേഹത്തെ പൂജപ്പുര സെന്ട്രല് ജയിലിലേക്ക് മാറ്റി.
തിരുവനന്തപുരം സ്വര്ണക്കടത്ത് കേസിലെ പ്രതി കസ്റ്റംസ് ഓഫീസര് ബി.രാധാകൃഷ്ണന് അറസ്റ്റിൽ
Posted on Dec 12, 2019, 03:56 pm IST at 3:56 pm 
