കൊച്ചി: ഇരുചക്ര വാഹനങ്ങളില് പിന്സീറ്റില് യാത്രചെയ്യുന്നവരും ഹെല്മറ്റ് ധരിക്കണമെന്ന് ഹൈക്കോടതി ഉത്തരവ് . നാല് വയസ്സിന് മുകളിലുള്ള എല്ലാവര്ക്കും ഹെല്മറ്റ് നിര്ബന്ധമാക്കിക്കൊണ്ടുള്ള കേന്ദ്ര നിയമം കേരളത്തിലും നടപ്പിലാക്കണ മെന്നാണ് ചീഫ് ജസ്റ്റിസ് ഉള്പ്പെട്ട ഡിവിഷന്ബെഞ്ചിന്റെ ഉത്തരവ്.
കേന്ദ്ര മോട്ടോര് വാഹന നിയമത്തില് ഭേദഗതി വരുത്തിക്കൊണ്ട് കേന്ദ്രസര്ക്കാര് പിന്സീറ്റ് യാത്രക്കാര്ക്കും ഹെല്മറ്റ് നിര്ബന്ധമാക്കിയിരുന്നു. ഈ നിയമം പ്രാബല്യത്തില് ഉണ്ടായിരുന്നെങ്കിലും സംസ്ഥാനത്ത് ഇത് കര്ശനമായി നടപ്പാക്കിയിരുന്നില്ല. പിന്സീറ്റ് യാത്രക്കാര്ക്ക് ഹെല്മറ്റ് ധരിക്കുന്നതില് ഉണ്ടായിരുന്ന ഇളവുകള് ഇനി തുടരാന് കഴിയില്ലെന്ന് ഹൈക്കോടതി വ്യക്തമാക്കി.
