കരിപ്പൂർ : കരിപ്പൂർ വിമാനത്താവളം വഴി സ്വർണം കടത്താൻ ശ്രമിച്ച മൂന്ന് പേർ പിടിയിലായി. മൂന്ന് പേരിൽ നിന്നായി മൂന്ന് കിലോയോളം സ്വർണ്ണമാണ് പരിശോധനയ്ക്കിടെ പിടികൂടിയത്.
കാലിൽ സ്വർണ്ണ മിശ്രിതം കെട്ടിവെച്ച് കടത്താൻ ശ്രമിച്ചപ്പോഴാണ് രണ്ട് പേർ അറസ്റ്റിലായത്. അറസ്റ്റിലായ ഇരുവരും കാസർഗോഡ് സ്വദേശികളാണ്.
പതിനാല് ലക്ഷം രൂപ വില വരുന്ന സ്വർണ്ണം കടത്താൻ ശ്രമിച്ച മുംബൈ സ്വദേശിയായ യുവതിയും പിടിയിലായി. ഗുഹ്യഭാഗത്ത് സ്വർണ്ണ മിശ്രിതം ഒളിപ്പിച്ച് കടത്താനുള്ള ശ്രമത്തിനിടെയാണ് ഇവർ പോലീസ് അറസ്റ്റിലായത്
