കൊച്ചി : മരടിലെ ഫ്ലാറ്റുകൾ ഒഴിഞ്ഞുപോകാൻ ഉടമകൾക്ക് നഗരസഭാ നൽകിയ അവസാന തീയതി നാളെ. അവസാനിക്കും .അതിനാൽ പ്രതിഷേധ പരിപാടികൾ തുടരാനാണ് ഫ്ലാറ്റുടമകളുടെ തീരുമാനം. ഒഴിയണം എന്നാവശ്യപ്പെട്ടു നോട്ടീസ് കൈപ്പറ്റിയില്ലെങ്കിലും നോട്ടീസിനുള്ള മറുപടി നഗരസഭയ്ക്ക് പന്ത്രണ്ട് ഫ്ലാറ്റുടമകൾ നൽകിയിരുന്നു.
അർഹമായ നഷ്ടപരിഹാരം ലഭിക്കാതെ ഫ്ലാറ്റുകൾ ഒഴിഞ്ഞുപോകില്ല എന്നാണ് ഫ്ലാറ്റുടമകളുടെ നിലപാട്. കോടതിയെ സമീപിക്കാനും ഇവർ ശ്രമിക്കുന്നുണ്ട്. നോട്ടീസ് നൽകിയത് നിയമാനുസൃതമല്ലെന്ന് കാണിച്ചാണ് ഫ്ലാറ്റുടമകൾ കോടതിയെ സമീപിക്കുന്നത്.
നഷ്ടപരിഹാരവും പുനരധിവാസത്തിനുള്ള മാർഗവും ലഭിക്കാനായി ഫ്ലാറ്റിന് മുന്നിൽ അനിശ്ചിതകാല റിലേ സമരം ആരംഭിക്കാനും ഫ്ലാറ്റിലെ താമസക്കാർ തീരുമാനിച്ചിട്ടുണ്ട്.
