ചന്ദ്രയാൻ 2 ന് ഏറ്റ തിരിച്ചടിയിൽ ഐഎസ്ആർഒയ്ക്ക് ആത്മവിശ്വാസമേകി പ്രധാനമന്ത്രി. ഐഎസ്ആർഒ ആസ്ഥാനത്ത് വെച്ചാണ് പ്രധാനമന്ത്രി ഐഎസ്ആർഒയിലെ ശാസ്ത്രജ്ഞന്മാർക്ക് പിന്തുണ അറിയിച് രാജ്യത്തെ അഭിസംബോധന ചെയ്ത് സംസാരിച്ചത്. ബംഗളുരുവിലെ ഇസ്ട്രാക്ക് കേന്ദ്രത്തിൽ നിന്നാണ് അദ്ദേഹം സംസാരിച്ചത്.
ചന്ദ്രയാൻ ദൗത്യത്തിന്ടെ തിരിച്ചടിയിൽ നിരാശരാകരുതെന്ന് അദ്ദേഹം ശാസ്ത്രജ്ഞരോട് പറഞ്ഞു. ഏറ്റവും മികച്ച അവസരങ്ങൾ ഇനിയും വരുമെന്നും അദ്ദേഹം പ്രത്യാശ പ്രകടിപ്പിച്ചു. ഐഎസ്ആർഒയിലെ ശാസ്ത്രജ്ഞന്മാരുടെ പരിശ്രമങ്ങളും വിഷമങ്ങളും താൻ ഇന്നലെ നേരിട്ട് കണ്ടുവെന്നും മോഡി ശാസ്ത്രഞ്ജന്മാരോട് പറഞ്ഞു.
ലക്ഷ്യത്തിൽ നിന്ന് പുറകോട്ട് പോകരുതെന്നും വീണ്ടും പരിശ്രമങ്ങൾ തുടരണമെന്നും അദ്ദേഹം അവരോട് ആവശ്യപ്പെട്ടു. രാജ്യം മുഴുവനും ശാസ്ത്രഞ്ജന്മാരോടൊപ്പമാണെന്നും ഞാനും നിങ്ങളിൽ വിശ്വാസമർപ്പിക്കുന്നുവെന്നും അദ്ദേഹം ഐഎസ്ആർഒ ശാസ്ത്രജ്ഞമാരോട് പറഞ്ഞു.
