കുമാരി സെൽജയെ ഹരിയാന കോൺഗ്രസ് പ്രസിഡന്റ് ആയി   നിയമിച്ചു

ന്യൂദൽഹി: രാജ്യസഭാ എംപി കുമാരി സെൽജയെ ഹരിയാന സംസ്ഥാന തലവനായി കോൺഗ്രസ് നിയമിച്ചു. മുൻ മുഖ്യമന്ത്രി ഭൂപീന്ദർ സിംഗ് ഹൂഡ കോൺഗ്രസ് ലെജിസ്ലേറ്റീവ് പാർട്ടി (സിഎൽപി) നേതാവും പാർട്ടി തിരഞ്ഞെടുപ്പ് കമ്മിറ്റി ചെയർമാനുമായി. ഹരിയാന പ്രദേശ് കോൺഗ്രസ് കമ്മിറ്റി ചീഫ് അശോക് തൻവാറിനു പകരമാണ്  സെൽജയെ നിയമിച്ചത് . 2014 ൽ  രാഹുൽ ഗാന്ധിയാണ്  നേതാവായി തൻവാറിനെ തിരഞ്ഞെടുത്തത്‌ . ഹരിയാനയുടെ ചുമതലയുള്ള  ഗുലാം നബി ആസാദ് പത്രസമ്മേളനത്തിലാണ് ഇക്കാര്യം അറിയിച്ചത്. നാല് തവണ എംപിയായ സെൽജ – രണ്ട് തവണ സിർസയിൽ നിന്നും രണ്ട് തവണ അംബാലയിൽ നിന്നും തിരഞ്ഞെടുക്കപ്പെട്ടു  – എന്നാൽ അംബാല നിയോജകമണ്ഡലത്തിൽ നിന്ന് ഈ വർഷത്തെ ലോക്സഭാ തിരഞ്ഞെടുപ്പിൽ പരാജയപ്പെട്ടു.