കണ്ണൂര്: സിപിഎം സംസ്ഥാന സെക്രട്ടറി കോടിയേരി ബാലകൃഷ്ണന്റെ മകന് ബിനോയ് കോടിയേരിക്ക് എതിരായ യുവതിയുടെ പീഡനാരോപണ പരാതിയില് തുടര് നടപടികള്ക്കായി മുംബൈ പൊലീസ് കണ്ണൂരിലെത്തി. ഓഷിവാര പൊലീസിലെ വിനായക് ജാദവ്, ദയാനന്ദ് പവാര് എന്നീ രണ്ട് എസ്ഐ റാങ്കിലുള്ള ഉദ്യോഗസ്ഥരാണ് എത്തിയത്. ഇവര് കണ്ണൂര് എസ്പിയുമായി കൂടിക്കാഴ്ച നടത്തി.
കേസന്വേഷിക്കുന്ന ഓഷിവാര പൊലീസ് ബിനോയിയോട് മുന്നുദിവസത്തിനുള്ളില് ഹാജരാകന് ആവശ്യപ്പെട്ടിരുന്നു. ഹാജരായില്ലെങ്കില് ബിനോയിയെ അറസ്റ്റ് ചെയ്യുന്നത് അടക്കമുള്ള നടപടികളിലേക്ക് കടക്കുമെന്നും മുംബൈ പൊലീസ് സൂചിപ്പിക്കുന്നു. അതേസമയം അറസ്റ്റ് ഒഴിവാക്കാനായി ബിനോയി മുന്കൂര് ജാമ്യത്തിന് ശ്രമം തുടങ്ങിയതായും റിപ്പോര്ട്ടുണ്ട്.ബിനോയിയുമായി ബന്ധം തെളിയിക്കുന്ന രേഖകള് തന്റെ കൈവശമുണ്ടെന്നും കുട്ടിയുടെ പിതൃത്വം തെളിയിക്കാന് വൈദ്യപരിശോധനയ്ക്ക് തയ്യാറാണെന്നും ബിഹാര് സ്വദേശിനിയായ യുവതി പറഞ്ഞിരുന്നു.
ദുബായില് ബാര് ഡാന്സറായിരുന്ന ബീഹാര് സ്വദേശിനിയാണ് ബിനോയ് കോടിയേരിക്കെതിരെ ലൈംഗികാരോപണവുമായി രംഗത്തുവന്നത്. വിവാഹവാഗ്ദാനം നല്കി ബിനോയ് വര്ഷങ്ങളോളം പീഡിപ്പിച്ചെന്നും, ആ ബന്ധത്തില് എട്ടുവയസ്സുള്ള മകനുണ്ടെന്നുമാണ് യുവതി പരാതിയില് പറയുന്നത്.
