ഡല്ഹി: ബിജെപിയുടെ മിന്നുന്ന വിജയത്തിന്റെ മുഖ്യശില്പികളിലൊരാളായ അമിത് ഷാ ഇത്തവണ കേന്ദ്രമന്ത്രിസഭയിലേക്കെത്തുമെന്ന് റിപ്പോര്ട്ടുകള്. കേന്ദ്രമന്ത്രിസഭയില് ഏറ്റവും നിര്ണായകമായ വകുപ്പ് തന്നെ അമിത് ഷായ്ക്ക് ലഭിച്ചേക്കുമെന്ന അഭ്യൂഹങ്ങളുണ്ട്. അതല്ലെങ്കില് ഇപ്പോള് സംഘടനാരംഗത്ത് അമിത് ഷാ തുടര്ന്ന്, പിന്നീട് മന്ത്രിസഭയിലേക്ക് എത്തുമെന്ന സൂചനയാണ് ലഭിക്കുന്നത്.
ആരോഗ്യപരമായ പ്രശ്നങ്ങള് കാരണം അരുണ് ജയ്റ്റ്ലി പുതിയ മന്ത്രിസഭയിലുണ്ടായേക്കില്ലെന്നാണ് സൂചന. പകരം ധനമന്ത്രിയായി പിയൂഷ് ഗോയലിന്റെ പേരാണ് പറഞ്ഞു കേള്ക്കുന്നത്. നിതിന് ഗഡ്കരിയ്ക്ക് മികച്ച ഒരു വകുപ്പ് തന്നെ നല്കണമെന്നാണ് ആര്എസ്എസ്സിന്റെ ആവശ്യം. സുഷമാ സ്വരാജിനും ഇത്തവണ മന്ത്രിസഭയില് അംഗത്വമുണ്ടാകും.
