സന്ധിക്കുളളിലെ എല്ലുകളെ പൊതിയുന്ന ആവരണത്തിന് ഉണ്ടാവുന്ന നീര്ക്കെട്ടാണ് ആമവാതത്തിന്റെ കാരണമെങ്കിലും ലക്ഷണങ്ങള് പലതുണ്ട്. ദേഹംകുത്തിനോവുക, രുചിയില്ലായ്മ അങ്ങനെ പല ലക്ഷണങ്ങളും കണ്ടേക്കാം. ഓരോരുത്തര്ക്കും ലക്ഷണങ്ങളിലും മാറ്റമുണ്ടാകും. ഓരോ ദിവസവും വ്യത്യസ്ത തരത്തിലായിരിക്കും ലക്ഷണങ്ങള്.
ശ്രദ്ധിക്കേണ്ട ലക്ഷണങ്ങള്
തളര്ച്ച: തളര്ച്ച വരുമ്പോള് അത് നിസ്സാരമാക്കരുത്. ആഴ്ചകളോ മാസങ്ങളോ പിന്നിടുമ്പോഴേക്കും തളര്ച്ച മറ്റ് ലക്ഷണങ്ങള്ക്ക് വഴി മാറും. തളര്ച്ചയുടെ കാരണം കണ്ടെത്തി ചികിത്സ ചെയ്യണം.
സന്ധികളിലെ മരവിപ്പ് : വാതത്തിന്റെ ആദ്യ ലക്ഷണമാണ് സന്ധികളില് മരവിപ്പ് അനുഭവപ്പെടുക. ജോലി ചെയ്തുകൊണ്ടിരിക്കുമ്പോഴോ അല്ലാതിരിക്കുമ്പോഴോ സന്ധികളില് മരവിപ്പ് അനുഭവപ്പെടാം. സാധാരണയായി കൈകളിലെ സന്ധികളിലാണ് മരവിപ്പ് തുടങ്ങുക.
സന്ധിവേദന : മരവിപ്പ് പലപ്പോഴും സന്ധി വേദനക്ക് വഴിമാറുന്നു. കൈകാലുകള് ഇളക്കുമ്പോഴോ വെറുതെയിരിക്കുമ്പോഴോ സന്ധി വേദന അനുഭവപ്പെടാം. ആദ്യഘട്ടത്തില് വിരലുകളിലും കൈക്കുഴകളിലുമാണ് വേദനയനുഭവപ്പെടുക. പിന്നീട് കാല്മുട്ട്, കാല്പാദം, കണങ്കാല്, ചുമല് എന്നിവിടങ്ങളില് വേദന അനുഭവപ്പെടാം.
തരിപ്പും വിറയലും : തരിപ്പ്, വേദന തുടങ്ങിയവ അനുഭവപ്പെടുക. കൈകള്ക്ക് പൊളളലേറ്റത് പോലുളള തോന്നലുണ്ടാകും. നടക്കുമ്പോള് കൈകാലുകളുടെ സന്ധികളില് നിന്ന് പൊട്ടുന്നത് പോലുളള ശബ്ദമുണ്ടാകും.
