പന്തളം:ശബരിമല കര്മസമിതി നടത്തുന്ന ഹര്ത്താലില് വിവിധ സ്ഥലങ്ങളില് വഴിതടയലും കല്ലേറും. കോഴിക്കോട് രാവിലെ വിവിധ സ്ഥലങ്ങളില് റോഡുകളില് ടയര് കത്തിച്ചും കല്ലുകള് നിരത്തിയും ഗതാഗതം തടസപ്പെടുത്തി. കുന്നമംഗലത്തും കൊയിലാണ്ടിയിലും വാഹനങ്ങള്ക്കുനേരെ കല്ലേറുണ്ടായി.
പാലക്കാട് മരുതറോഡില് കല്ലേറിയില് ആംബുലന്സിന്റെ ചില്ലുകള് തകര്ന്നു. വെണ്ണക്കരയില് ഇ.എം.എസ് സ്മാരക വായനശാലയ്ക്ക് രാത്രി തീയിട്ടു. കൊല്ലം കൊട്ടാരക്കര പള്ളിക്കലിലും കോട്ടാത്തലയിലും ബി.ജെ.പി -ഡി.വൈ.എഫ്.ഐ പ്രവര്ത്തകര് തമ്മില് സംഘര്ഷമുണ്ടായി. സംഘര്ഷത്തില് ആറു പേര്ക്ക് പരുക്കേറ്റു. കൊട്ടാരക്കര വെട്ടിക്കവലയില് കെ.എസ് ആര് ടി സി.ബസിന് നേരെ കല്ലേറുണ്ടായി.
