ലക്നോ: ഉത്തര്പ്രദേശില്നിന്നുള്ള ബിജെപി ദളിത് എംപി സാവിത്രിഭായ് ഫൂലെ പാര്ട്ടിയില്നിന്നു രാജിവച്ചു. ബിജെപി ജനങ്ങളെ ഭിന്നിപ്പിക്കാന് ശ്രമിക്കുന്നു എന്നാരോപിച്ചാണു രാജിയെന്ന് എഎന്ഐ വാര്ത്താ ഏജന്സി റിപ്പോര്ട്ട് ചെയ്യുന്നു.
ബഹ്റായിച്ചില്നിന്നുള്ള എംപിയാണ് ഫൂലെ. നേരത്തെ നിരവധി വിവാദ പരാമര്ശങ്ങളിലൂടെ വാര്ത്തകളില്നിറഞ്ഞുനിന്ന നേതാവാണ് ഫൂലെ. ദളിതരോടു പാര്ട്ടി വിവേചനം കാട്ടുകയാണെന്നു കാട്ടി നേരത്തെ ഫുലെ നേതൃത്വത്തിനെതിരേ നിലപാടെടുത്തിരുന്നു.
ബിജെപിയുടെ ദളിതര്ക്കൊപ്പം അത്താഴം കഴിക്കുന്ന പരിപാടിയെയും ഫൂലെ വിമര്ശിച്ചിരുന്നു.കൂടാതെ, മുഹമ്മദ് അലി ജിന്ന മഹാനായ മനുഷ്യനാണെന്ന ഫൂലെയുടെ പരാമര്ശവും ബിജെപിക്കുള്ളില്നിന്നുതന്നെ വിമര്ശനങ്ങള്ക്കു കാരണമായി.
