കൊച്ചി: ശബരിമലയിലെ പോലീസ് ഇടപെടലിനെ ചോദ്യം ചെയ്ത ഹര്ജിയിന്മേല് ഹൈക്കോടതി വിധിച്ച 25,000 രൂപ പിഴ അടക്കില്ലെന്ന് ബിജെപി സംസ്ഥാന ജനറല് സെക്രട്ടറി ശോഭാ സുരേന്ദ്രന്. ഹൈക്കോടതിക്കും മുകളില് കോടതിയുണ്ടല്ലോ എന്ന് ചോദിച്ച ശോഭ കോടതിയില് മാപ്പ് പറഞ്ഞിട്ടില്ലെന്നും പറഞ്ഞു.
കഴിഞ്ഞ നാല്പത് ദിവസമായി പോലീസിനെ ഉപയോഗിച്ച് അയ്യപ്പ ഭക്തര്ക്കെതിരെ കള്ളക്കേസുകള് ചുമത്തി ജയിലില് അടച്ചിരിക്കുകയാണ്. ഇക്കാര്യമാണ് കോടതിയില് ചൂണ്ടിക്കാട്ടിയത്. ഇക്കാര്യം ചൂണ്ടിക്കാട്ടി സുപ്രീം കോടതിയെ സമീപിക്കാനാണ് തീരുമാനിച്ചിട്ടുള്ളത്- ശോഭ പറഞ്ഞു.
