തിരുവനന്തപുരം: സുപ്രീം കോടതി വിധിയുടെ അടിസ്ഥാനത്തില് ശബരിമല ദര്ശനത്തിനായി എത്തുന്ന ഭൂമാതാ ബ്രിഗേഡ് നേതാവ് തൃപ്തി ദേശായിക്ക് പ്രത്യേക സുരക്ഷ അനുവദിക്കാനാവില്ലെന്ന് പൊലീസ് അറിയിച്ചു. മറ്റ് തീര്ത്ഥാടകര്ക്ക് ലഭിക്കുന്ന എല്ലാ സുരക്ഷയും തൃപ്തിക്ക് ലഭിക്കുമെന്നും പൊലീസ് വ്യക്തമാക്കി. നംവബര് 17ന് ശബരിമലയില് ദര്ശനം നടത്തുമെന്നാണ് തൃപ്തി ദേശായിയും സംഘവും അറിയിച്ചത്.
ശബരിമലയിലെ യുവതീ പ്രവേശനവുമായി ബന്ധപ്പെട്ട സംഘര്ഷം മണ്ഡലകാലത്തും തുടരാനുള്ള സാദ്ധ്യത നിലനില്ക്കെ എരിതീയില് എണ്ണ പകര്ന്നുകൊണ്ടാണ് തൃപ്തി ദേശായിയും സംഘവും ദര്ശനത്തിന് എത്തുമെന്ന് സര്ക്കാരിനെ അറിയിച്ചത്.
