മുംബൈ: മഹാരാഷ്ട്രയിലെ മുംബൈയില്‍ ചരക്കു ട്രെയിനു തീപിടിച്ചു. രണ്ട് വാഗണുകള്‍ കത്തിനശിച്ചു. മുംബൈയിലെ ദഹനു റെയില്‍വേ സ്റ്റേഷനു സമീപം വ്യാഴാഴ്ച രാത്രി 10.45നായിരുന്നു സംഭവം.
തീപിടിത്തം ശ്രദ്ധയില്‍പെട്ടതോടെ വൈദ്യുതിബന്ധം വിച്ഛേദിച്ച്‌ ഇരു വാഗണുകളും ട്രെയിനില്‍നിന്നു വേര്‍പെടുത്തിയതുമൂലം വലിയ അപകടം ഒഴിവായെന്നും അധികൃതര്‍ അറിയിച്ചു.
തീപിടിത്തത്തെ തുടര്‍ന്നു ട്രെയിന്‍ സര്‍വീസുകള്‍ താറുമാറായി. 12 ട്രെയിനുകള്‍ ഇതേതുടര്‍ന്നു റദ്ദാക്കിയത്. നിരവധി ട്രെയിനുകള്‍ വൈകി. വെള്ളിയാഴ്ച പുലര്‍ച്ചെ 1.35ന് ഇതുവഴിയുള്ള റെയില്‍ ഗതാഗതം പുനഃസ്ഥാപിച്ചതായും അധികൃതര്‍ കൂട്ടിച്ചേര്‍ത്തു.
