ന്യൂഡല്ഹി: ഇന്ത്യയെ പ്രകോപിപ്പിക്കാന് പുതിയ നീക്കവുമായി വീണ്ടും പാകിസ്താന്. ഗുജറാത്തിലെ അന്താരാഷ്ട്ര അതിര്ത്തി പ്രദേശത്ത് വ്യോമതാവളം തുറന്നാണ് പാകിസ്താന് പുതിയ വെല്ലുവിളി ഉയര്ത്തിയിരിക്കുന്നത്. ഇന്ത്യയോട് ചേര്ന്ന് കിടക്കുന്ന പാകിസ്താന്റെ സിന്ദ് പ്രവശ്യയിലെ ഹൈദരാബാദ് ജില്ലയിലെ ഭോലാരിയില് അത്യാധുനിക എയര് ഫീന്ഡും തുറന്നിട്ടുണ്ട്. ഇവിടെ ചൈനയില് വികസിപ്പിച്ചെടുത്ത ജെ.എഫ്-17 യുദ്ധവിമാനങ്ങള് വിന്യസിക്കുമെന്നാണ് സൂചന.
ജലമാര്ഗമുള്ള ആക്രമണങ്ങള്ക്ക് ലഷ്കര് ഇ തയ്ബ ഭീകരര്ക്ക് പരീശലനം നല്കുന്നെന്ന ആരോപണമുള്ള പാക് നേവിയുടെ പ്രത്യേക ദൗത്യസേനയേയും ഇവിടെ വിന്യസിപ്പിച്ചിട്ടുണ്ട്. ഗൂജറാത്തിലെ സൗരാഷ്ട്ര-കച്ച് മേഖലയ്ക്ക് സമീപമാണ് താവളം തുറന്നിരിക്കുന്നത്. വ്യോമതാവളം ഒരുങ്ങിയിട്ട് ഏറെ നാളായെങ്കിലും അടുത്തിടെയാണ് യുദ്ധവിമാനങ്ങള് വിന്യസിക്കാന് ആരംഭിച്ചത്. ഇന്ത്യന് വ്യോമസേനയെ വെല്ലുവിളിക്കാന് കൂടുതല് ജെഎഫ്-17 വിമാനങ്ങള് ഇവിടെ എത്തിക്കാനാണ് പാകിസ്താന് നീക്കമെന്നും റിപ്പോര്ട്ടുണ്ട്.
