കോഴഞ്ചേരി; സദാചാര പോലീസുകാര്ക്ക് എട്ടിന്റെ പണി നല്കി യുവതി. ആണും പെണ്ണും ഒരുമിച്ച് പോകുന്നത് കണ്ടാല് ഹാലിളകുന്നതാണ് ഇവിടുത്തെ സദാചാരക്കരുടെ പതിവ് പല്ലവി. ഇത്തരം ഒരു സംഭവത്തിലാണ് കഴിഞ്ഞദിവസം പോലീസ് സദാചാര പോലീസിനെതിരെ നടപടി സ്വീകരിച്ചത്. ഞായറാഴ്ച വൈകീട്ട് ആറോടെയാണ് സംഭവം അരങ്ങറേയിത്. കോഴഞ്ചേരിയില് ജോലി അന്വേഷിച്ചെത്തിയ യുവതിയേയും-യുവാവിനേയും സദാചാര പോലീസ് ചമഞ്ഞ് ഒരുകൂട്ടം യുവാക്കള് മര്ദിച്ചതായിരുന്നു കേസ്.
കുവമ്പനാട് ചെമ്പകശേരിപ്പടിക്കല് താമസിക്കുന്ന സുഹൃത്തിന് ജോലി അന്വേഷിച്ച് എത്തിയതായിരുന്നു ഇരുവരും. എന്നാല് ഇവരെ തടഞ്ഞു നിര്ത്തി സദാചാര പോലീസ് ചമഞ്ഞ് യുവതി-യുവാക്കളെ മര്ദ്ദിക്കുകയായിരുന്നു. മര്ദ്ദനത്തില് മാരകമായ പരുക്കേറ്റ ഇരുവരും പിന്നീട് പോലീസാണ് ആശുപത്രിയില് പ്രവേശിപ്പിച്ചത്. സംഭവത്തില് യുവതിയുടേയും-യുവാവിന്റേയും പരാതിയില് പോലീസ് പ്രതികള്ക്കെതിരെ കേസെടുക്കുകയായിരുന്നു.
പുല്ലാട് ഉള്ളൂര്ച്ചിറ ചിറയില് ജിപ്സണ് (28), പുല്ലാട് ഓവനാലില്പ്പടി ചതുരംകാലായില് വിജോയി (33) എന്നിവരാണ് അറസ്റ്റിലായത്. ജിപ്സണ് നിലവില് ക്രിമിനല് കേസില് പ്രതിയാണ്. ജില്ലാ ഒന്നാംക്ലാസ് മജിസ്ട്രേറ്റ് കോടതി ഇരുവരെയും 15-ദിവസത്തേക്ക് റിമാന്ഡു ചെയ്തു. യുവതി പോലീസില് വിവരമറിയിച്ചതോടെയാണ് ഉടനടി തന്നെ കോയിപ്രം എസ്എച്ച്ഒ കെഎസ്ഗോപകുമാര്, സീനിയര് സിപിഓ പിഎന്ഹരികുമാര് എന്നിവരെത്തി മര്ദ്ദിച്ചവരെ കസ്റ്റഡിയിലെടുത്തു. മര്ദ്ദനമേറ്റ യുവാവിനെയും യുവതിയെയും പോലീസാണ് ജില്ലാ ആശുപത്രിയില് പ്രവേശിപ്പിച്ചത്.
