തിരുവനന്തപുരം: മാറ്റിവെച്ച പി.എസ്.സി പരീക്ഷകളുടെ പുതുക്കിയ തീയതി പ്രഖ്യാപിച്ചു. പി.എസ്.സി ജൂണ് 13ന് രാവിലെ 7.30 മുതല് 9.15 വരെ നടത്താന് നിശ്ചയിച്ചതും മാറ്റിവെച്ചതുമായ ഇന്ഡസ്ട്രിയല് ട്രെയിനിങ് വകുപ്പിലെ ജൂനിയര് ഇന്സ്ട്രക്ടര് (മെക്കാനിക്ക് റെഫ്രിജറേഷന് ആന്ഡ് എയര് കണ്ടീഷനിങ്) (കാറ്റഗറി നം. 002/2017) തസ്തികയിലേക്കുള്ള ഒ.എം.ആര്. പരീക്ഷ 29ന് രാവിലെ 7.30 മുതല് 9.15 വരെ നടത്തും. മാറ്റിവെച്ച പി.എസ്.സി പരീക്ഷകള് ഈ മാസം 28നും 29നും നടക്കും.
പി.എസ്.സി. 2018 ജൂണ് ഏഴിന് രാവിലെ 7.30 മുതല് 9.15 വരെ നടത്താന് നിശ്ചയിച്ചതും മാറ്റിവെച്ചതുമായ ഇന്ഡ്യന് സിസ്റ്റം ഓഫ് മെഡിസിന്/ഇന്ഷുറന്സ് മെഡിക്കല് സര്വീസ് വകുപ്പിലെ മെഡിക്കല് ഓഫീസര്(ആയുര്വേദ)/അസിസ്റ്റന്റ് ഇന്ഷുറന്സ് മെഡിക്കല് ഓഫീസര്(ആയുര്വേദ) (കാറ്റഗറി നം. 541/2017) തസ്തികയിലേക്കുള്ള ഒ.എം.ആര്. പരീക്ഷ 28ന് രാവിലെ 7.30 മുതല് 9.15 വരെ നടത്തും. പരീക്ഷകളുടെ തീയതിയില് മാറ്റം വരുത്തിയെങ്കിലും ഉദ്യോഗാര്ത്ഥികളുടെ പരീക്ഷാകേന്ദ്രങ്ങള്ക്കോ സമയത്തിനോ രജിസ്റ്റര് നമ്പരിനോ മാറ്റമില്ല.
