*ശ്രീനാരായണ ഗുരുദേവൻ രചിച്ച ഭദ്രകാള്യഷ്ടകത്തിലെ ഒരുഭാഗം
മാതംഗാനന ബാഹുലേയ ജനനീം
മാതംഗ സംഗാമിനീം
ചേതോഹാരിതനുച്ഛവീം ശഫരികാ–
ചക്ഷുഷ്മതീമംബികാം
ജ്യംഭത്പ്രൗഡ നിസുംഭസുംഭമഥിനീ–
മംഭോജ ഭൂപൂജിതാം
സമ്പത് സന്തതി ദായിനീം ഹൃദിസദാ
ശ്രീ ഭദ്രകാളീം ഭജേ
മാതംഗാനന ബാഹുലേയ ജശനീം=ആനമുഖനായ ഗണപതിക്കും ഒന്നിലധികം മാതാക്കളാൽ വളർത്തപ്പെട്ട സുബ്രഹ്മണ്യനും അമ്മയായിട്ടുള്ളവനും
മാതംഗ സംഗാമിനീം=ആനയെപ്പോലെ മന്ദമായി ഗമനം ചെയ്യുന്നവളും
ചേതോഹാരിതനുച്ഛവിം=ആരുടെ മനസ്സിനെയും ആകർഷിക്കത്തക്ക രൂപ ലാവണ്യത്തോടുകൂടിയവളും
ഗഫരികാ ച ക്ഷുഷ്മതീം=പരൽമീൻ പോലെ തിളങ്ങുന്ന കണ്ണുകളോടു കൂടിയവളും
അംബികാം=ജഗൻമാതാവും
ജ്യംഭത്പ്രൗഢ നിസുംഭസുംഭ മഥിനീം=വരബലം കൊണ്ടഹങ്കരിച്ച നിസുംഭസുംഭൻമാരെന്ന അസുരന്മാരെ യുദ്ധത്തിൽ വധിച്ചവളും
അംഭോജ ഭൂപൂജിതാം=ബ്രഹ്മാവിനുപോലും പൂജ്യയും
സമ്പത്ഭാഗ്യവും സന്താനഭാഗ്യവും കനിഞ്ഞരുളുന്നവളുമായ
ശ്രീഭദ്രകാളീം=ശ്രീഭദ്രകാളീദേവിയെ
ഹൃദിസദാഭജേ=ഞാൻ ഹൃദയത്തിൽ പ്രതിഷ്ഠിച്ചാരാധിക്കുന്നു
ആനമുഖനായ ഗണപതി ക്കും ഒന്നിലധികം മാതാക്കളാൽ വളർത്തപ്പെട്ട സുബ്രഹ്മണ്യനും അമ്മയായിട്ടുള്ളവനും ആനയെപ്പോലെ മന്ദമായി ഗമനം ചെയ്യുന്നവളും ആരുടെ മനസ്സിനെയും ആകർഷിക്കത്തക്ക രൂപ ലാവണ്യത്തോടുകൂടിയവളും പരൽമീൻപ്പോലെ തിളങ്ങുന്ന കണ്ണുകളോടു കൂടിയവളും ജഗൻമാതാവും വരബലംകൊണ്ടഹങ്കരിച്ച സുംഭനിസുംഭന്മാരെന്ന അസുരന്മാരെ യുദ്ധത്തിൽ വധിച്ചവളും ബ്രഹ്മാവിനു പോലും പൂജ്യയും ഭജിക്കുന്നവർക്കു സമ്പത് ഭാഗ്യവും സന്താനഭാഗ്യവും കനിഞ്ഞരുളുന്നവളുമായ ശ്രീഭദ്രകാളിദേവിയെ ഞാൻ ഹൃദയത്തിൽ സദാ പ്രതിഷ്ഠിച്ചാരാധിക്കുന്നു.
