ശബരിമല: യുവതീ പ്രവേശനവുമായി ബന്ധപ്പെട്ട് തുടര്ച്ചയായി ഉണ്ടാകുന്ന സംഘര്ഷവും പൊലീസ് ശബരിമലയില് ഏര്പ്പെടുത്തിയിരിക്കുന്ന കര്ശന നിയന്ത്രണങ്ങളും ദര്ശനത്തിനെത്തുന്ന മാളികപ്പുറങ്ങളുടെ എണ്ണത്തില് ഗണ്യമായ കുറവ് വരുത്തി.
കഴിഞ്ഞ മാസപൂജാ വേളയിലും ചിത്തിര ആട്ട വിശേഷത്തിനുംശേഷം തീര്ത്ഥാടനത്തിനായി ശബരിമല നട തുറപ്പോഴും പ്രക്ഷോഭത്തിന് അയവില്ലാത്തതാണ് ഭൂരിപക്ഷം മാളികപ്പുറങ്ങളെയും ശബരിമലയില് നിന്ന് അകറ്റിയത്. മുന്പ് ആയിരക്കണക്കിന് മാളികപ്പുറങ്ങളാണ് നിത്യവും സന്നിധാനത്ത് എത്തിയിരുന്നത്. എന്നാല് ഈ തീര്ത്ഥാടനകാലത്ത് ശുഷ്കമായ സംഖ്യ മാത്രമാണ് സന്നിധാനത്ത് എത്തുന്നത്.
യുവതീ പ്രവേശനവുമായി ബന്ധപ്പെട്ട് നിലയ്ക്കല് മുതല് തുടങ്ങുന്ന സുരക്ഷാ പരിശോധനകളും ഗതാഗത നിയന്ത്രണവും മാത്രമല്ല പ്രളയത്തില് തകര്ന്നടിഞ്ഞ പമ്ബയും ശബരിമലയിലേക്കുള്ള സ്ത്രീ സാന്നിദ്ധ്യം കുറച്ചുവെന്നാണ് ഉദ്യോഗസ്ഥര് നല്കുന്ന സൂചന.പമ്ബയില് പ്രാഥമിക സൗകര്യത്തിനും വിരിവയ്ക്കുന്നതിനും വിശ്രമിക്കുന്നതിനുമുള്ള പരിമിധികളും മറ്റൊരു കാരണമായി.
