തിരുവനന്തപുരം: മുഖ്യമന്ത്രി എന്തുകൊണ്ടാണ് ശബരിമല സന്ദര്ശിക്കാത്തതെന്നും അദ്ദേഹം നേരിട്ടെത്തി സ്ഥിതിഗതികള് മനസിലാക്കാന് തയാറാകണമെന്നും പ്രതിപക്ഷ നേതാവ് രമേശ് ചെന്നിത്തല. നിയമസഭയിലെ മീഡിയ റൂമില് നടത്തിയ വാര്ത്താ സമ്മേളനത്തില് സംസാരിക്കുകയായിരുന്നു അദ്ദേഹം.
ഭക്തരുടെ സൗകര്യത്തിനായി പന്പയില് ഒരു ഓലപ്പുരയെങ്കിലും ദേവസ്വം ബോര്ഡിനും സര്ക്കാരിനും നിര്മിക്കാമായിരുന്നു. പ്രളയം നാശം വിതയ്ക്കാത്ത നിലയ്ക്കലും സന്നിധാനത്തും ഭക്തര്ക്ക് അടിസ്ഥാന സൗകര്യമൊരുക്കാത്തതിന് സര്ക്കാരിന് എന്ത് ന്യായീകരണമാണ് പറയാനുള്ളത്. ശബരിമലയിലെ പ്രശ്നങ്ങളെക്കുറിച്ച് പഠിക്കാന് നിയമസഭാ സമിതിയെ നിയോഗിക്കണമെന്നും രമേശ് ചെന്നിത്തല ആവശ്യപ്പെട്ടു.
