തിരുവനന്തപുരം: വിജിലന്സ് മുന് ഡയറക്ടര് ഡി.ജി.പി. ജേക്കബ് തോമസിനെതിരെ വിജിലന്സ് അന്വേഷണത്തിന് ഉത്തരവ്. സസ്പെന്ഷനിലായ വിജിലന്സ് മുന് ഡയറക്ടര് ജോക്കബ് തോമസ് തുറമുഖ ഡയറക്ടറായിരിക്കെ ഡ്രഡ്ജിങ് ഉപകരണങ്ങള് വാങ്ങിയതില് ക്രമക്കേട് നടന്നതായി ധനകാര്യ പരിശോധനാ വിഭാഗത്തിന്റെ കണ്ടെത്തലിന്റെ അടിസ്ഥാനത്തിലാണ് സര്ക്കാര് അന്വേഷണത്തിന് ഉത്തരവിട്ടിരിക്കുന്നത്. ഇതു സംബന്ധിച്ച ഫയല് ഇന്നു വിജിലന്സ് മേധാവി ബി.എസ്. മുഹമ്മദ് യാസിനു കൈമാറുമെന്നാണ് വിവരം.
ധനവകുപ്പ് പരിശോധനാ വിഭാഗത്തിന്റെ റിപ്പോര്ട്ടില് ജേക്കബ് തോമസിനെതിരെ അന്വേഷണത്തിന് അന്നത്തെ ചീഫ് സെക്രട്ടറിയായിരുന്ന എസ്.എം. വിജയാനന്ദ് ശുപാര്ശ ചെയ്തിരുന്നു. ഇതില് ഡയറക്ടര് ജനറല് ഓഫ് പ്രോസിക്യൂഷന് മഞ്ചേരി ശ്രീധരന് നായരോട് സര്ക്കാര് നിയമോപദേശവുംതേടിയിരുന്നു.
