തിരുവനന്തപുരം : ആചാരലംഘനമുണ്ടായാല് ശബരിമല ക്ഷേത്രനട അടയ്ക്കുന്നതിനെക്കുറിച്ച് ബി.ജെ.പി സംസ്ഥാന അദ്ധ്യക്ഷന് ശ്രീധരന് പിള്ളയോട് അഭിപ്രായം തേടിയിട്ടില്ലെന്നു തന്ത്രി കണ്ഠര് രാജീവര് ദേവസ്വം ബോര്ഡിനെ അറിയിച്ചു.
തന്ത്രി അഭിപ്രായം തേടിയതായി പി.എസ്.ശ്രീധരന്പിള്ളയുടെ വെളിപ്പെടുത്തലിനെത്തുടര്ന്ന് വെള്ളിയാഴ്ചയ്ക്കകം വിശദീകരണം നല്കാന് തന്ത്രി കണ്ഠര് രാജീവരോട് ദേവസ്വം ബോര്ഡ് കമ്മിഷണര് ആവശ്യപ്പെട്ടിരുന്നു. ദേവസ്വം ബോര്ഡിന് എഴുതി നല്കിയ വിശദീകരണത്തിലാണ് ശ്രീധരന് പിള്ളയുടെ വെളിപ്പെടുത്തല് രാജീവര് നിഷേധിച്ചത്.
