കാഠ്മണ്ഡു: നേപ്പാളിലെ കാഠ്മണ്ഡുവില് ഹെലികോപ്റ്റര് വനത്തിനുള്ളില് തകര്ന്നു വീണ് പൈലറ്റ് ഉള്പ്പെടെ ആറു പേര് മരിച്ചു. ആള്ട്ടിറ്റ്യൂഡ് എയര്ലൈന്സിന്റെ ഹെലികോപ്റ്റര് ഏഴ് പേരുമായി ശനിയാഴ്ച രാവിലെ കാണാതായിരുന്നു. ഗോര്ഹ ജില്ലയിലെ സമഗുവനില്നിന്നും കാഠ്മ ണ്ഡുവിലേക്ക് പുറപ്പെട്ടതായിരുന്നു. അപകടത്തില്നിന്ന് യാത്രക്കാരി അദ്ഭുതകരമായി രക്ഷപെട്ടു.
തകര്ന്നു വീണ ഹെലികോപ്റ്റര് പൊട്ടിത്തെറിച്ച് കത്താതിരുന്നതാണ് യാത്രക്കാരി രക്ഷപെടാന് ഇടയാക്കിയത്. പൈലറ്റ് നിഷ്ചല് കെ.സിയും അഞ്ച് നേപ്പാള് സ്വദേശികളും ട്രക്കിംഗിനു എത്തിയ ജപ്പാന് വിനോദസഞ്ചാരി ഹിരോമി കൊമാസുവും (68) ഉള്പ്പെടെ ഏഴ് പേരായിരുന്ന ഹെലികോപ്റ്ററിലുണ്ടായിരുന്നത്. രക്ഷാപ്രവര്ത്തകര് ആറു പേരുടെ മൃതദേഹം കണ്ടെത്തി. ഒരു യാത്രക്കാരി പരിക്കുകളോടെ രക്ഷപെട്ടു. ഇവരെ രക്ഷാപ്രവര്ത്തകര് ആശുപത്രിയിലേക്ക് മാറ്റി.
