ചെറുതോണി: പെരിയാറില് മീന്പിടിക്കാന് ഇറങ്ങുന്നവര്ക്ക് കര്ശന മുന്നറിയിപ്പ്. ഇടുക്കി അണക്കെട്ട് തുറക്കുന്നതിന് മുന്നോടിയായി മീന് പിടിക്കാന് ഇറങ്ങുന്നവരെ അറസ്റ്റ് ചെയ്ത് നീക്കുമെന്നാണ് ജില്ലാ ഭരണകൂടം മുന്നറിയിപ്പ് നല്കിയിരിക്കുന്നത്. മാറ്റിപ്പാര്പ്പിക്കേണ്ടവരുടെ കണക്കും റവന്യൂവകുപ്പ് തയ്യാറാക്കി കഴിഞ്ഞു.
ആദ്യഘട്ടത്തില് കിടപ്പു രോഗികള്, ഭിന്നശേഷിക്കാര്, കുട്ടികള്, സ്ത്രീകള് എന്നിങ്ങനെയുള്ളവരെയാണ് ദുരിതാശ്വാസ കേന്ദ്രത്തിലേക്ക് മാറ്റുക. പുഴയില് ഇറങ്ങുകയോ പാറക്കൂട്ടങ്ങളിലോ മറ്റോ കൂട്ടം കൂടി നില്ക്കുകയോ ചെയ്യരുതെന്ന് നേരത്തേ തന്നെ മുന്നറിയിപ്പ് നല്കിയിരുന്നു.
അതേസമയം അനാവശ്യമായ ആശങ്കകള് വേണ്ടെന്നും ജില്ലാ ഭരണകൂടം അറിയിച്ചു. ഡാം തുറക്കേണ്ടി വന്നാല് പരിസര പ്രദേശങ്ങളില് വെളിച്ചം ഉറപ്പാക്കാന് തെരുവുവിളക്കുകള് മാറ്റി സ്ഥാപിക്കുന്ന നടപടികളും നടക്കുകയാണ്.
