ന്യൂഡല്ഹി: ടേക്ക് ഓഫ് ചെയ്ത വിമാനം എന്ജിന് തകരാറിനെ തുടര്ന്ന് തിരിച്ചിറക്കി. മൂന്നു ദിവസത്തിനിടെ ഇതു രണ്ടാം തവണയാണ് ഇന്ഡിഗോ വിമാനത്തിന് എന്ജിന് തകരാര് സംഭവിക്കുന്നത്. രണ്ടു ദിവസം മുമ്പ് ഇന്ഡിഗോയുടെ 6ഇ-972 വിമാനത്തിന് എന്ജിന് തകരാര് ശ്രദ്ധയില്പ്പെട്ടതിനെ തുടര്ന്ന് ടേക്ക് ഓഫ് റദ്ദാക്കിയിരുന്നു.
ന്യൂഡല്ഹിയില്നിന്ന് റാഞ്ചിയിലേക്കു പോയ ഇന്ഡിഗോ വിടി-ഐടിഇ നിയോ എയര്ക്രാഫ്റ്റ് വിമാനമാണ് തിരിച്ചിറക്കിയത്. 183 യാത്രക്കാരും ഏഴും ജീവനക്കാരുമുണ്ടായിരുന്ന വിമാനം ഡല്ഹി വിമാനത്താവളത്തില് സുരക്ഷിതമായി ലാന്ഡ് ചെയ്തു. സംഭവത്തില് അന്വേഷണം ആരംഭിച്ചതായി ഇന്ഡിഗോ പത്രക്കുറിപ്പില് അറിയിച്ചു.
