മുംബൈ: മണ്സൂണിന് മുമ്പുണ്ടായ കനത്ത മഴയില് മുംബൈയില് മൂന്ന് പേര് മരിച്ചു. ശനിയാഴ്ച വൈകിട്ട് മുതല് മുംബൈയില് കനത്ത മഴ തുടരുകയാണ്. മഴക്കൊപ്പം ഇടിമിന്നലും ഉണ്ടായിരുന്നു. കനത്ത മഴയെ തുടര്ന്ന് മുംബൈ ഛത്രപതി ശിവാജി ഇന്റര്നാഷണല് എയര്പോര്ട്ടില് നിന്നുള്ള വിമാനങ്ങള് വൈകി.
കൊളോംബോ-മുംബൈ വിമാനം അഹമ്മദാബാദിലേക്ക് വഴിതിരിച്ച് വിട്ടു. പാല്ഘര്, റായിഘഡ്, രത്നഗിരി തുടങ്ങിയ സ്ഥലങ്ങള് ഉച്ചയോടെ തന്നെ മേഘാവൃതമാവുകയും വൈകീട്ടോടെ കനത്ത മഴ ആരംഭിക്കുകയും ആയിരുന്നു. താനെയില് കൊടുങ്കാറ്റിന് സാധ്യതയുള്ളതായി കാലാവസ്ഥ നിരീക്ഷണ കേന്ദ്രം മുന്നറിയിപ്പ് നല്കിയിട്ടുണ്ട്.
