കോഴിക്കോട്: ബുധനാഴ്ച ശഅബാന് 30 പൂര്ത്തിയായതോടെ വിശ്വാസികള് പുണ്യറംസാനെ ഹൃദയത്തിലേറ്റി. ഇനി മനസ്സും ശരീരവും ഒരുപോലെ സ്ഫുടംചെയ്തെടുക്കുന്ന പുണ്യനാളുകള്. കണ്ണും നാവും ചെവിയുമെല്ലാം അരുതായ്മകളില് നിന്നടര്ത്തിയെടുത്ത് ദൈവത്തില്മാത്രം മനസ്സ് സമര്പ്പിക്കുന്നവര്ക്കുള്ള മാസം. സത്കര്മങ്ങള്ക്ക് മറ്റുമാസങ്ങളെക്കാള് റംസാനില് ഏറെ പുണ്യമുണ്ടെന്നാണ് വിശ്വാസം.
അതുകൊണ്ട് ദാനധര്മങ്ങള്ക്കും റംസാനില് ഏറെ പ്രാധാന്യം നല്കുന്നു. രാത്രിയിലെ തറാവീഹ് നമസ്കാരവും ഇഫ്താര് വിരുന്നുകളിലെ സൗഹൃദ സംഗമങ്ങളുമെല്ലാമായി ഓരോ വിശ്വാസിയും ഇനി പ്രാര്ഥനയുടെ തിരക്കുകളിലലിയും. വിശുദ്ധികൈവരിക്കാനുള്ള പ്രാര്ഥനാ സുഗന്ധമുള്ള രാപകലുകളായിരിക്കും റംസാനിലെ ഓരോ ദിനവും. ആ മാസത്തിന്റെ പുണ്യം ആവോളം നേടിയെടുക്കാനുള്ള ശ്രമത്തിലാവും ഇനി ഓരോ വിശ്വാസിയും.
