ജയസൂര്യക്കെതിരെ കായൽ കയ്യേറ്റത്തിനെതിരെ നടപടി
ചലച്ചിത്ര നടൻ ജയസൂര്യ കായൽ കയ്യേറി എന്നാരോപിച്ച് കൊച്ചി നഗരസഭ നടപടി സ്വികരിച്ചു. ചെലവന്നൂര്‍ കായല്‍ കയ്യേറി നിര്‍മിച്ച ബോട്ട് ജെട്ടി നഗരസഭാ അധികൃതരുടെ സാന്നിധ്യത്തില്‍തന്നെ പൊളിച്ചു നീക്കുകയും ചെയ്തു.കയ്യേറ്റമെന്ന് കാണുന്ന എല്ലാഭാഗവും പൊളിച്ചുനീക്കണമെന്ന് കൊച്ചി മേയർ സൗമിനി ജെയിൻ വ്യക്തമാക്കി.
കായൽ കൈയേറ്റം ചൂണ്ടിക്കാട്ടി കളമശേരി സ്വദേശി ഗിരീഷ് ബാബു നൽകിയ പരാതിയില്‍ മൂവാറ്റുപുഴ വിജിലന്‍സ് കോടതി കേസെടുത്തു തുടർന്ന് ഇതിനെതിരെ ജയസൂര്യ അപ്പീൽ നൽകിയെങ്കിലും ഇത് തള്ളിയിരുന്നു അതിനുശേഷമാണ്. ജയസൂര്യയുടെ കടവന്ത്ര ചെലവന്നൂരിലെ വീടിനു പിന്നിലാണ് കായല്‍ കയ്യേറി ബോട്ട് ജെട്ടിയും ചുറ്റുമതിലും നിർമിച്ചിട്ടുള്ളത്.
